Kryeministri rus Vladimir Putin pësoi një “arrest kardiak” mbrëmjen e djeshme, sipas një deklarate të postuar në një kanal Telegram.
Sipas këtij kanali, dyshohet se Putin ka pësuar një arrest kardiak në banesën e tij private në Moskë.
Në deklaratë thuhet se të gjitha paraqitjet e fundit të diktatorit rus, përfshirë vizitat e huaja, janë kryer nga një trup i dyfishtë ose dyshe, shkruan Mirror.
Kanali në Telegram, që besohet se drejtohet nga një ish-zyrtar i brendshëm i Kremlinit, raportoi incidentin duke thënë se lideri rus u gjet nga rojet në dyshemenë e dhomës së gjumit i shtrirë në dysheme.
“Ndoshta, kur presidenti është rrëzuar, ka goditur tavolinën dhe i ka rrëzuar në dysheme, gjë që ka shkaktuar zhurmën. Më pas menjëherë janë thirrur mjekët që ishin në shërbim në rezidencë dhe ndodheshin në një nga dhomat ngjitur.”
Kanali pretendoi se “presidenti u zhvendos në një dhomë të pajisur posaçërisht në rezidencën e tij, ku tashmë ishin instaluar pajisjet e nevojshme mjekësore për trajtimin e tij”, duke shtuar se gjendja e presidentit ishte “stabilizuar” dhe ai është “nën mbikëqyrje të vazhdueshme mjekësore”.
Mediat e huaja shkruajnë se nga kjo ngjarje nuk pati asnjë reagim të menjëhershme nga Kremlini, por zyrtarët më parë kanë mohuar fuqishëm se Putini, 71 vjeç, vuan nga probleme shëndetësore./Opinion.al
