Pak ditë më parë mamaja e këngëtares së njohur me origjinë shqiptare Rita Ora, Vera, përmes fotove në rrjete sociale tregoi vilën që kanë blerë në Prishtinë.
Ndonëse ata jetojnë në Londër, dëshirojnë të kenë një shtëpi në mënyrë që të kthehen herë pas herë të vizitojnë vendin e tyre të origjinës.
Kjo blerje e Rita Orës ka tërhequr vëmendjen e mediave të huaja si prestigjiozja “The Sun”duke i dedikuar një shkrim.
Kjo vilë tre katëshe e bardhë është një dhuratë që këngëtarja ua bëri prindërve të saj. Mendohet se vlera shkon në 1.5 milionë paund.
Ndërkohë ky veprim i këngëtares është vlerësuar nga mediat britanike, për shkak të kujdesit që ajo po tregon ndaj prindërve të saj.
“Familja e Rita Orës ka kontribuar në suksesin e saj, prandaj këngëtarja do më shumë se asgjë tjetër t’i kthejë mbrapsht atyre investimin dhe t’i sigurojë një jetë të rehatshme”, -shkruhet nga “The Sun”./Opinion.al/
