Mediat e huaja i kanë bërë jehone fitores së Edi Ramës në zgjedhjet parlamentare të së dielës. Raportimin e orëve të fundit për Shqipërinë, Euronews e hap me titullin, “5 gjerat për të bërë në listën e Edi Ramës”.
Euronews thotë se Edi Rama duhet të luftoje për të drejtën e pronës dhe një gjyqësor të pastër. Po ashtu, çmimi i Bashkimit Europian është edhe goditja e kultivimit të kanabisit, por jo me pak rëndësi ka largimi i të rinjve nga Shqipëria dhe ulja e papunësisë.
Zgjedhjet parlamentare, të rëndësishme jo vetëm për të ardhmen e Shqipërisë, por edhe të të gjithë rajonit ishin në titujt kryesore të mediave prestigjioze si Reuters, Associated Press, Aljazeera, Financial Time, ABCNew së Australisë, por edhe Politico.
Fitorja e Kryeministrit Rama ka qenë në fokus edhe të mediave serbe. B92 shkruan duke cituar Reuters dhe AFP, por ndalet edhe tek pjesëmarrja e ulët në votime, e cila detyroi Komisionin Qendror të zgjedhjeve që të shtyjë afatin zyrtar të votimit me një orë.
Interes ndaj këtyre zgjedhjeve ka treguar edhe Sputnik, media shtetërore ruse, e cila në një nga raportimet e saj u ndal të pasqyronte incidentet e ndodhura gjatë procesit të votimit, sic ishte edhe ai i plagosjes se një aktivisti të LSI-se në Shëngjin. Më tutje, Sputnik, pajtohet me opinionin ndërkombëtar mbi fitoren e Partisë Socialiste dhe në një tjetër shkrim për zgjedhjet në Shqipëri hapet me titullin e fitores së Partisë Socialiste.
Opinioni ndërkombëtar i pa zgjedhjet e së diel si faktor kyç në të ardhmen europiane të vendit, negociatat për të cilën mund të nisin edhe në fund të këtij viti.
Tv Klan
