Mediat britanike e shohin me pozitivitet miratimin e reformës në drejtësi në Shqipëri, duke shkruar se do të jetë një hap i rëndësishëm i integrimit të vendit tonë në BE.
Kështu, gazeta britanike “Express” shkruan se miratimi i reformës në drejtësi e ka bindur Brukselin që të çelë hapjen e negociatave për anëtarësim në Bashkimin Europian.
“Për momentin Shqipëria është vend kandidat për në BE, dhe hapja e negociatave varet së tepërmi nga përfundimi i reformave”, shkruan media britanike.
“Pavarësisht se është një ndër vendet më të varfra në Europë, Shqipëria ka një shans që të hapë negociatat me BE-në pas miratimit të reformës”, vijon më tej shkrimi.
