Kreu i Partisë Demokratike, Lulzim Basha, ka reaguar në lidhje me përkeqësimin e gjendjes së lirinsë së medias që u pasqyrua sot në raportin e organizatës Reporterë Pa Kufij.
Basha akuzon qeverinë për nismat e saj që sipas tij synojnë të censurojnë fjalën e lirë. Rënia e indeksit të lirisë së medias sipas tij largon vendin nga standartet europiane.
“Shqipëria është përkeqësuar dhe ka rënë më poshtë në indeksin e lirisë së medias! Kjo ka ardhur si pasojë e nismave të qeverisë për të censuruar fjalën e lirë e ushtruar presion ndaj atyre që denoncojnë korrupsionin, lidhjet e politikës me krimin dhe abuzimet me fondet publike.
Ai që ka frikë nga fjala e lirë është armik i demokracisë. Ai që përditë nëpërkëmb dhe ofendon gazetarët, duke kërcënuar ata që mendojnë ndryshe e denoncojnë aferat korruptive, ai përditë largon gjithnjë dhe më shumë vendin dhe shqiptarët nga standartet europiane.
Censura, dhuna dhe autocensura në një vend që pret për antarësim në Bashkimin Europian, i shtohen panoramës së hidhur të krimit dhe korrupsionit që kjo qeveri servir në tryezën e ligjvënësve europianë”, shkrua Basha. /Opinion.al
