Boksierja algjeriane Imane Khelif ka fituar medaljen e artë në Lojërat Olimpike.
Khelif mundi Yang Liu të Kinës, në një sfidë mjaft të bukur duke u shndërruar në boksieren e parë algjeriane që fiton një medalje dhe atë të artë.
25-vjeçarja dominoi ndeshjen dhe u shpall fituese me një vendim unanim nga gjyqtarët në stadiumin Rolland-Garros në kryeqytetin francez të premten mbrëma
Imane Khelif tha se “sulmet” mbi përcaktimin e saj gjinor i dhanë fitores së saj një “shije të veçantë” pasi fitoi medaljen e artë olimpike të boksit për femra një vit pasi u skualifikua nga Kampionatin Botëror.
Algjeriania u ndalua dhe u raportua se kishte dështuar në testet e përshtatshmërisë gjinore, por, pasi u lejua të garonte në Paris, mundi kampionen kinez të botës Yang Liu me vendim unanim në pesë raunde për të fituar medaljen e artë në peshën e lehtë.
“Jam plotësisht e kualifikuar për të marrë pjesë në këtë garë”, tha 25-vjeçarja Khelif.
“Unë jam një grua si çdo grua tjetër. Kam lindur grua. Kam jetuar si grua. Kam konkurruar si grua – nuk ka dyshim për këtë.”
Khelif tha se ajo kishte qenë viktimë e “bullizmit” dhe se Shoqata Ndërkombëtare e Boksit (IBA) e urrente dhe nuk e di arsyen pse.
Në arenë ajo mori mbështetje nga dhjetëra njerëz të Algjerisë, të cilët valëvitnin flamujt e tyre jeshil, të bardhë dhe të kuq.
