Nëna e njërit prej qytetarëve të ndaluar sot nga policia, lidhur me protestën e në Teatrin Kombëtar, ka publikuar fotot e të birit pasi ai është kthyer në banesë. Kozeta Zavalani, thotë se djali i saj është liruar pas 9 orësh I dhunuar në mënyrë të pajustifikueshme.
“Kam kaluar orë të tmerrshme në ankth. Më në fund, pas 9 orësh, neodiktatura me maska, pasi e dhunuan pa paralajmërim, ne mënyrë të pajustifikueshme e kriminale tim bir, Mend Zavalani, që mban emrin e paraardhësit e patriotit Menduh Zavalani e liruan nga paraburgimi me dëmtime të rënda dhe detyrim paraqitjeje. Krimi: qendrimi në mbrojtje të Teatrit…”.
Duke vijuar më tej në postimin e saj në FB, Zavalani shkruan se djali i saj, me profesion arkitekt, është me hematoma në sy dhe kokë për shkak të dhunës. “Tani është i traumatizuar, me veshin e çarë, që ia qepën në spital, me hematoma në sy, kokë e kudo në trup, pasi ka qendruar 9 orë në paraburgim dhe u lirua me detyrim paraqitjeje si pjesëmarrës I tubimeve të paligjshme…arkitekti që nuk donte veçse të mbronte një vlerë kombëtare” shkruan Kozeta Zavalani./Opinion.al
