Falë reagimit të menjëhershëm, policia e Fierit ka parandaluar një ngjarje që mund të kishte pasoja tragjike.
Pas një konflikti për motive të dobëta në lagjen “16 Prilli” në Fier, 64-vjeçari Agron Muçaj ka goditur me thikë një 46-vjeçar, por është kapur në flagrancë nga policia me mjetin e krimit në dorë.
I plagosuri L.T ndodhet në Spitalin Rajonal Fier nën kujdesin e mjekëve, ndërsa materialet do i kalojnë Prokurorisë pranë Gjykatës së Shkallës së Parë Fier për veprat penale “Vrasje e mbetur në tentativë” dhe “Mbajtja pa leje e armëve të ftohta”./Opinion.al
