Kryetari i Partisë Demokratike, Lulzim Basha tha se i ka kërkuar kryeministrit Rama në mbledhjen e Këshillit të Sigurisë që të mbyllë fabrikat e fasonëve, call centers dhe ato ku ka grumbullim masiv të punëtorëve si dhe të ndryshohet taktika e testimeve.
Në një intervistë televizive Basha tha se nuk do të komentonte detaje nga mbledhja e Këshillit të Sigurisë Kombëtare pasi ajo është sekrete. Por duke folur për masat e ndërmarra nga qeveria ai zbuloi se i ka kërkuar kryeministrit mbylljen e sipërmarrjeve ku angazhohen shumë punëtorë në ambjente të mbyllura. Kjo sipas tij duhet bërë pasi është në kundështim edhe me masat e forta izoluese që ka ndërmarrë qeveria.
“Kam kërkuar dje fund masave me standarte të dyfishta. Çdo masë e kemi përshëndetur. Masa për të mbrojtur shëndetin që një familjar të dalë për Pazar, por është standart i dyfsihtë të mbash ende fasonet me qindra familjarë. Dy javë sakrifica mund të zhvlerësohen. Kjo është dallimi mes Lombardisë dhe Jugut të Italisë. Të mërkurën ja parashtrova në Këshillit e Sigurisë. Më tha që do e shqyrtojë. E them edhe kujdesin për financat. E para e punës ke ku t’i gjesh. 22milionë euro për beton, dhe 7 ja dhe dje. Përtej kësaj kostoja në jetë njerëzish do jetë e paparashikueshme, kurse kostoja ekonomike do jetë edhe më e madhe. Do jetë budallallëk me brirë që të kursejë sot dhe nesër të harxhojë”, tha Basha.
Kreu demokrat shtoi githashtu se ka kërkuar që të ndryshojë taktika me testimet dhe se ato duhet të bëhen në masë.
“Të bëhet transparenca me testimet. Ekspertët tanë duke u mbështetur tek ndërkombëtarët. Kërkova në Këshillin e Sigurisë që të ndryshohet taktika. Të bëhet testim masiv i shëndetësisë dhe i policisë apo bukëpjekësit dhe supermarkatat. Gjurmimin. Pushteti vendor këtë të bëjë. Gjurmimi në kushtet e karantinës”, deklaroi kreu i opozitës.
Basha tha se situata nuk është e mirë dhe se menaxhimi i krizës nga qeveria po bëhet me propagandë. Ai kërkoi transparencë të kapaciteteve testuese të Shqipërisë duke marrë si shembull Kosovën e cila e ka bërë një gjë të tillë.
“Sot 2 javë pasi kërkoj marrje masash po e them troç: që situata nuk është mirë, menaxhimi i kirzës po bëhet me propagandë boshe. OBSH kërkon testime masive ne nuk e dimë sa teste kemi. Kosova e thotë përditë sa teste bëhen, autoritetet ketu e fshehin. Mungesa e testimeve mund të ketë pasoja fatale, mund të na tregojë vetmë majën e ajsbergut. Ndihmat ekonomike nuk do hyjnë në fuqi para 1 prillit në një kohë kur qindra e mijëra familje janë në varfëri ekstreme. Shprenzimet vijojnë si më pare, 5 veta marrin para për beton, kur nuk është priortet, në një kohë që prioritet është shëndetësia”, tha ai. /Opinion.al
