Ka vetëm pak kohë që janë fejuar dhe duket se po e shijojnë pafund këtë periudhë. Aktorja Jennifer Lopez dhe i fejuari i saj Alex Rodriguez kanë kaluar një të shtunë të bukur me fëmijët e tyre duke shijuar një ndeshje futbolli.
Të dy kanë publikuar gjatë gjithë kohës foto dhe video së bashku me katër fëmijët, dy të J.Lo dhe dy të Alex. Ata publikojnë shpesh foto apo video në rrjete sociale nga çastet e bukura që kalojnë si me njëri-tjetrin ashtu edhe me fëmijët e tyre.
Çifti u lidh në fejesë para pak javësh në Bahamas. Ndonëse në media u publikuan disa akuza kundrejt Alex për tradhti ndaj Lopez, duket se nuk e kanë ndikuar këngëtaren për të vijuar e qetë dhe e lumtur fejesën e saj./Opinion.al/
