Numri i vdekjeve nga Covid 19 në Francë kaloi 70,000 persona. Sipas shifrave zyrtare. Shifrat zyrtare flasin për 70,142 persona që kanë humbur jetën nga të cilët 196 gjatë 24 orëve të fundit.
Numri i rasteve të reja në 24 orët e fundit vazhdon të jetë i lartë, duke regjistruar 21,406 infektime, në të njëjtat nivele si në ditët e fundit. Shkalla e pozitivitetit mbetet në 6.5%.
Franca po zbaton një ndalim të përgjithshëm të lëvizjes që nga 18:00 duke nisur nga e shtuna 16 Janar, për shkak të shqetësimeve në lidhje me një shpërthim të ri të epidemisë nxitur edhe nga mutacionet e reja të koronavirusit që konsiderohen më ngjitëse.
Siç është njoftuar nga Kryeministri i vendit Jean Castex, ndalimi i lëvizjeve nga ora 18:00 do të jetë i vlefshëm për të paktën 15 ditë, në mënyrë që të kontrollohet epidemia. Në të njëjtën kohë, kontrollet kufitare po intensifikohen.
“Ne do të shtrëngojmë kërkesat e hyrjes në vend,” tha Kryeministri francez duke shtuar se çdo udhëtar që mbërrin nga një vend jashtë Bashkimit Evropian do të duhet të marrë një test PCR para se të niset dhe të bëjë një test negativ për të hipur në një aeroplan ose anije. Pasi të jenë në Francë, këta individë “duhet të jenë të gatshëm për t’u izoluar për 7 ditë” dhe “të rimarrin një test të dytë PCR” në fund të kësaj periudhe.
Kreu i qeverisë franceze paralajmëroi se një karantinë e tretë do të vendoset “pa vonesë” në rast të “përkeqësimit të epidemisë”, duke vënë në dukje se situata aktuale “nuk kërkon” një masë të tillë./Opinion.al
