Ministria e Shëndetësisë ka raportuar të dielën se në të gjithë vendin rezultojnë 16,220 raste aktive të personave të infektuar nga koronavirusi, ku 8331 prej tyre vetëm në Tiranë.
Edhe numri i të shtruarve në spitale vijon të shënojë rritje duke ju afruar mbushjes së kapaciteteve në të tre spitalet Covid.
“Aktualisht në 3 spitalet COVID, po trajtohen 449 pacientë, 12 në terapi intensive, 6 pacientë janë të intubuar”, njoftoi ministria ndërkohë që një ditë më parë ishin raportuar 443 pacientë në të treja spitalet.
Ndërkohë numri i përgjithshëm i viktimave ka arritur në 699 persona, ndërsa vetëm në 24 orët e fundit kanë humbur jetën 14 persona. Kujtojmë se një ditë më parë, ministria raporti 10 persona në terapi intensive dhe 5 të intubuar.
Shpërndarja gjeografike e rasteve aktive sipas qarqeve:
Tiranë 8331
Durrës 1164
Elbasan 813
Fier 1223
Korçë 870
Vlorë 801
Shkodër 888
Lezhë 699
Berat 499
Kukës 323
Dibër 133
Gjirokaster 476
