Në Republikën Demokratike të Kongos papa Francesku ka zhvilluar meshën e cila ka patur të pranishëm më shumë se 1 milion persona. Kjo meshë është një ndër procesionet më të mëdha të mbajtura ndonjëherë nga kreu i Kishës Katolike.
Mijëra njerëz nisën të grumbulloheshin që në orët e pasdites së kaluar në sheshin kryesor të kryeqytetit pranë aeroportit për të përshëndetur Atin e Shenjtë, në një vizitë që nuk ndodhte prej 37 vitesh në shtetin afrikan të pasur me minerale.
Në kor merrnin pjesë 700 këngëtarë duke kënduan këngët e shenjta, ata ishin praktikuar së bashku që prej muajit korrik, kur ishte parashikuar dhe vizita e Papa Franceskut, e cila u shty për shkak të problemeve të tij shëndetësore.
Në ditën e dytë të turit të tij në Afrikë, Francesku u shpreh se palët luftuese në konfliktet në Afrikë duhet të falin njëri-tjetrit përmes një “amnistie nga zemra”.
Sipas korrespondentit të gazetës katolike “The Tablet”, Christopher Lamb mesha e së mërkurës ishte një ndër më të mëdhatë në historinë e Franceskut, duke e krahasuar me atë të Filipineve në vitin 2015.
Në një intervistë për mediat perëndimore, Lamb u shpreh se Afrika tashmë është e ardhmja dhe shumë e rëndësishme për katolicismin./Opinion.al
