“Pandemia Covid ka shumë të ngjarë të ketë lindur nga një rrjedhje laboratorike.” Ky është përfundimi i një raporti të Departamentit Amerikan të Energjisë bërë publik ekskluzivisht nga Ëall Street Journal. Më parë, departamenti tha se ishte e pasigurt se si ishte zhvilluar virusi. Edhe FBI-ja ka pohuar gjithmonë se Covid ishte rezultat i një aksidenti në laboratorin Wuhan në Kinë.
Konkluzioni, sipas një raporti të fshehtë të inteligjencës të ofruar së fundmi në Shtëpinë e Bardhë dhe anëtarëve të zgjedhur të Kongresit, mbështetet në një përditësim të një dokumenti të vitit 2021 nga Zyra e Drejtorit të Inteligjencës Kombëtare Avril Haines. Sipas burimeve të inteligjencës amerikane të intervistuara nga Ëall Street Journal, pozicioni i departamentit ndryshoi pasi u shfaqën “informacione të reja të inteligjencës, studime kërkimore dhe konsultime me ekspertë joqeveritare”.
Dyshimet e Wall Street Journal, megjithatë, u pasuan nga një sqarim i kujdesshëm nga administrata Biden. “Për momentin nuk ka asnjë përgjigje përfundimtare për origjinën” e Covid, tha Këshilltari i Sigurisë Kombëtare Jake Sullivan në një intervistë për CNN. Zyrtari i lartë shpjegoi se “Presidenti Biden ka kërkuar në mënyrë specifike që laboratorët kombëtarë, të cilët janë pjesë e Departamentit të Energjisë, të përfshihen në këtë analizë, sepse ai dëshiron të përdorë çdo mjet për të mundur të zbulojë se çfarë ka ndodhur”./Opinion.al
