Këngëtari kosovar, Sabri Fejzullahu në një status në rrjetet ka reaguar lidhur me lajmin që ka qarkulluar në media se ka ndërruar jetë.
Fejzullahu shprehet se “është hera e katërt që brenda tre muajve po shkruhet në portale se ka vdekur”.
Ai thotë se është gjallë, shëndoshë e mire, dhe po vijon të punojë pa u ndalur.
“Përshëndetje, të gjithëve juve që e dëgjoni këngën time kudo që jeni shqiptarë të nderuar që ju dua fort, ju çmoj dhe ju respektoj. Është hera e katërt që brenda tre muajve po shkruhet në portale se kam vdekur. Unë jam gjallë e shëndoshë e mirë punoj kurrë pa u ndal hiç, ju dua me gjithë zemër dhe vetëm ai i madhi vendos se kur do të vdes unë. Faleminderit shumë. Ju dua me shpirt, ju përshëndes”-thotë Sabri Fejzullahu.
