Kryeministri, Edi Rama, bëri edhe njëherë thirrje që të gjithë të qëndrojmë të mbyllur për të fituar këtë luftë, pasi kjo është e vetmja zgjidhje.
Me anë të një video-mesazhi në Facebook, kreu i qeverisë u shpreh se atij i ra të bëntë rolin e babit në këtë situatë.
“Mua më ra për hise tua them, e di që po bëj gjëra që nuk ka se si t’ju gëzojnë, kur bëj rolin e babait po si mendoni ju që më pëlqejnë mua këto masa shtrënguese? Më pëlqejnë mua shifrat e papunësisë? Cdo ditë e më shumë njerëz me një hall më të madh. Më pëlqen të mbyll shkolla e biznese e të rri t’ju tregoj cdo ditë se kush lëviz e kush ndëshkohet po lëvizi, apo me shumëkënd që kritikon këtu sikur ja solla unë luftën, sikur unë rri në një shpellë prej floriri dhe analizoj.
Unë ju tremb ju se ju them të ruheni? Të mbroni veten nga kjo mortje që kërcënon të na grijë si mish qeni? Nuk e shihni ju cfarë po ndodh, jo më shume larg, po në Itali? Vuajnë qindra mijëra shqiptarë atje. Ushtria amerikane nxori autokolona, me makina të blinduara që njerëzit të mbyllen brenda. Në këtë luftë as Amerika ska ilac tjetër vec mbylljes brenda, s’kam trrugë tjetër vecse të shpëtoj jetën e familjarëve tanë”,- tha Rama.
Më tej, ai shtoi se shqiptarët nuk kanë vdekur ndonjëherë për bukë dhe se qeveria po bën maksimumin.
“Për çfarë vdekjesh nga uria flasin disa kur nga uria shqiptarët nuk kanë vdekur kurrë sepse dhe në kohët më të zeza të historisë kanë mbajtur njëri-tjetrin. Për cilat qese me miell e oriz ankoheni kur këto pako nuk shkojnë tek njerëzit për festa. Pse nuk doni ta kuptoni se kjo është një luftë, luftë e pashoqe. E para luftë kur njerëzimi nuk e sulmon dot armikun por duhet vetëm të mbrohet.
Pse nuk e kuptoni dot që nuk ka shtet në botë që i shkon dot çdo hallexhiu në derë. Ç’domethenë mos na trego video, mos bëj show, kur shikon pamje nga operacioni humanitar. Ja ku i keni qindra mijëra shqiptarë në Itali kush po i çon qese me ushqime në derë, kush po iu thotë mos paguani dritat se nuk keni punë. Ne po bëjmë maksimumin e mundësive tona. Po të ishte dëshira dhe jo mundësia do kisha bërë shumë më tepër.
Kur ra tërmeti e patë që ju dola për Zot. Nuk ia lashë Zotit asnjë nga detyrat e mia. Ju thashë të gjithë do iu ndihmojmë me pagën e luftës të tërë ata që janë në shtëpi se iu është mbyllur biznesi i vogël dhe javën e parë të prillit do të marrin lekët. Ju thashë se do iu dyfishojmë ndihmën ekonomike, dhe ata në javën e parë të prillit do të marrin lekët.”, u shpreh kryeministri.
Në fund të fjalës së tij, Rama u shpreh se Shqipëria do t’ia dalë më shpejtë se shumë vende të tjera, pasi mori masat më herët.
“Ajo kurba nuk po rritet pasi është rezultat i kësaj rezistence. Megjithatë, ka vetëm një rrugë: rezistencë për ekzistencë”, e mbylli fjalën e tij Rama./Opinion.al
