Kryeministri, Edi Rama në konferencën e sotme për mediat i pyetur nga gazetaret për hartën gjyqësore tha se ajo nuk do të ndryshojë.
Për bojkotin e seancave gjyqësorë nga avokatët, Rama u shpreh se me qeverinë që ai drejton nuk mund të flitet me gjuhën e bojkoteve.
Rama shtoi se nëse ka grupe që kontestojnë duhet ulen me qeverinë dhe të flasin.
“Harta gjyqësore është ajo dhe nuk ndryshon. Habitem që ka akoma individë që besojnë se me ne mund të flitet me gjuhën e bojkoteve, me gjuhën e shfaqjeve të kokëfortësisë pa zë. Në këtu jemi kush ka diçka për ta ndarë e ka shumë të thjeshtë të na kërkojë, të ulemi të flasim, të dëgjojmë,” tha Rama.
