Kanë qenë të shumta rastet kur ai ka fjetur në një shtrat me Michael Jackson. Mbreti i Popit i kishte vënë pseudonimin Rubba Rubba. Ai iu bashkua grupit të turit të Jackson kur ishte një djalosh 14 vjeçar me fytyrë bebi. Sot për herë të parë, ai zbulon detaje të frikshme në lidhje me marrëdhënien e pazakontë me Yllin e Muzikës që e futi në shtrat.
Michael, sot 35 vjeç dhe baba i një djali 3 vjeçar, thotë:
“Ai e tejkaloi masën me mua dhe me fëmijë të tjerë. Unë sot kam të njëjtën moshë sa ishte Michael Jackson kur u njohëm. Nëse unë sot dua të fle me një fëmijë, kjo nuk do të ishte normale dhe e drejtë. Ai gjithmonë më kërkonte të flija në krevatin e tij. Unë i thoja, ‘Jo Michael, mund të fle në dhomën time’, por ai këmbëngulte duke thënë ‘Të lutem, bëje për Michal Jackson’.
35 vjeçari rrëfen se sot që është babai i një djali, e sheh me sy tjetër marrëdhënien që kishte me MJ dhe që e ka kuptuar sa gabim ishte. Por jo vetëm kaq. Ai zbuloi edhe të tjera detaje mbi marrëdhënien me Mbretin e Popit. Michael tregoi se Michael Jackson e prekte në pjesë intime në krevat. Ishte më keq nëse këngëtari kishte pirë apo ishte droguar. Ai zbuloi se Jackson e zhvishte lakuriq kur rrinin në jakuzzi. I jepte albume të mbushura me fotografi djemsh lakuriq. I blinte heshtjen me dhurata për të dhe prindërit.
Michael tregon se me këngëtarin u njoh në Mynih, Gjermani, ku jeton edhe sot. Asokohe kaloi 3 javë në një suitë hoteli me Jackson. Ai tregoi se kur u kthye në shkollë në shtator, kishin dalë fotografi dhe fëmijët e tjerë e kishin marrë vesh.
“Ti ke bërë seks me Michael Jackson, ti je gay!” tregon Michael për talljet e shokëve të tij.
Michael tregon se në ditën e parë që këngëtari e priti në dhomën e hotelit, ai ishte i emocionuar. Idhulli i tij e kishte ftuar për të kaluar kohë së bashku dhe për të luajtur në PlayStation. Ditët në vijim, 35 vjeçari tregon se këngëtari e merrte në telefon çdo ditë dhe e ftonte në dhomën e hotelit. Michael, i cili foli për Mirror Online, tha se ata kaluan pushimet së bashku.
“Nuk ndihesha rehat por nuk i thashë askujt. As Michael, as prindërve. Michael-it nuk i thoja dot ‘Jo’. Isha 14 vjeç dhe shoqërohesha me yllin më të famshëm të muzikës, ndaj mendova ‘Okay’. Kishte qëllime seksuale dhe gjithmonë provokonte për të parë deri në ç’pikë do e lejoja.”
Michael tregoi se këngëtari e quante Rubba Rubba, dhe vetëm tani që është i rritur e kuptoi pse. (Rub, nga anglishtja, “Fërko”).
Michael rrëfen se me mamanë e tij foli vetëm pasi këngëtari vdiq në 2009-ën. Ai tha se kur u rrit, Michael nuk kishte më interes për të dhe as nuk i kërkonte të flinte në krevat.
“Herën e fundit që e takova, fjeta në divan”./E.L
