Aktualitet

Me pranga në duar, momenti i arrestimit të punonjësve të bashkisë Lushnje


Bëhu pjesë e Grupit Zyrtar të Opinion.al
>> KËTU <<
               Publikuar në : 13:23 - 06/07/21 |
Opi Nion

Në pamjet e mëposhtme shfaqet momenti i shoqërimit nga policia të disa prej punonjësve të Ndërmarrjes së Pasurive Publike në Lushnjë. Këtë të martë u bë ekzekutimi i 11 urdhër-arresteve të lëshuara nga Prokuroria e Posaçme.

Gjykata vendosi arrest me burg për kryetarin e Bashkisë së Lushnjës Fatos Tushe, katër vartës të tij dhe dy biznesmenëve ndërkohë që për katër zyrtarë të tjerë është vendosur masa “arrest shtëpie”. Ata akuzohen për shpërdorim detyre dhe shkelje të barazisë në tendera.

Arsyeja kryesore pse u bë arrestimi i Tushes është akuza e SPAK për abuzimin me tenderin prej 24 milion lekësh të një kanali vaditës në Lushnjë. Dyshohet se Tushe ka favorizuar një nga kompanitë që ka marrë pjesë në tender.

Ndërkohë, në pamjet e mëposhtme shihet se si një oficere policie shoqëron drejt fugonit të policisë një punonjëse të bashkisë së Lushnjës, ndërkohë që pak sekonda më vonë nga godina del dhe kolegu i saj, të cilit i janë vendosur prangat.

PERSONAT E ARRESTUAR
-Fatos Tushe, kryebashkiaku i Lushnjës, shpërdorim detyre në bashkëpunim

-Flamur Peqini, drejtor i Ndërmarrjes së Pasurive Publike, ‘arrest me burg’ për ‘shpërdorim detyre’ në bashkëpunim dhe ‘shkelje të barazisë së pjesëmarrjes në tendera apo ankande publike’

-Xhemal Hasko, nëndrejtor i Ndërmarrjes së Pasurive Publike, iu caktua masa ‘arrest shtëpie’ për veprën penale ‘shkelje të barazisë së pjesëmarrjes në tendera apo ankande publike’

-Gazment Çela, nëndrejtor i Ndërmarrjes së Pasurive Publike, ‘arrest me burg’ për ‘shkelje të barazisë së pjesëmarrjes në tendera apo ankande publike’

-Blerta Turku, juriste e Ndërmarrjes së Pasurive Publike, ‘arrest me burg’ për ‘shkelje të barazisë së pjesëmarrjes në tendera apo ankande publike’

-Ani Simoni, inxhiniere e Ndërmarrjes së Pasurive Publike, arrest në shtëpi, e dyshuar për për kryerjen e veprës penale, të ‘Shkeljes së barazisë në tendera apo ankande publike’, kryer në bashkëpunim

-Andri Musho, inxhinier i Ndërrmjarrjes së Pasurive Publike, arrest në shtëpi, i dyshuar për për kryerjen e veprës penale, të ‘Shkeljes së barazisë në tendera apo ankande publike’, kryer në bashkëpunim

-Margarita Gjermeni, inxhiniere e Ndërrmjarrjes së Pasurive Publike, arrest në shtëpi e dyshuar për kryerjen e veprës penale, të ‘Shkeljes së barazisë në tendera apo ankande publike’, kryer në bashkëpunim

-Bujar Murati, inspektor i Ndërrmjarrjes së Pasurive Publike, arrest në burg, administrator i kompanisë Euro Alb shpk, i dyshuar për kryerjen e veprës penale “falsifikim i dokumenteve”, kryer në bashkëpunim

-Ibrahim Lami, inspektor i Ndërrmjarrje së Pasurive Publike, arrest në burg administrator i kompanise ‘Loti Shpk’, i dyshuar për kryerjen e veprës penale “falsifikim i dokumenteve”, kryer në bashkëpunim./Opinion.al

 

 

Pas