Një i ri në Tiranë mbante pistoletë, radio marrëse dhënëse dhe një stemë policie. Vështirë të besonte njeri në rrugën 5 Maji se Fatjon Hasimi nuk ishte polic!
Policia e ka arrestuar vetëm pasi 29 vjecari u rrah me një person dhe e kërcënoi me armë se do ta vriste.
Në një njoftim për mediat thuhet se “Shërbimet e policisë të komisariatit nr.4 arrestuan shtetasin- Fatjon Hasimi, 29 vjeç pasi në rrugën “5 Maji”, për motive të dobëta ka kanosur me armë zjarri të llojit pistoletë, shtetasin A.M., 49 vjeç, banues në Tiranë.
Gjatë kontrollit të ushtruar në lokalin e këtij shtetasi është gjetur dhe sekuestruar në cilësinë e provës materiale një stemë e Policisë së Shtetit dhe një radio marrëse- dhënëse.
Gjithashtu gjatë kontrollit të ushtruar në banesën e këtij shtetasi është konstatuar lidhje e paligjshme e energjisë elektrike”.
Policia e akuzon për kanosje 29 vjecarin por nuk thotë se si kishte arritur ky person të përdorte mjetet dhe simbolet e Policisë së Shtetit dhe mbi të gjitha si i ka siguruar ato?!
/Opinion.al
