Një 27-vjeçar është arrestuar nga policia e Tiranës pasi është kapur me pistoletë me vete, me krëhër e municion luftarak.
I riu K.XH, banues në Tiranë u arrestua në kuadër të operacionit ‘Klienti’.
“Në zbatim të masave të planit operacional “Sundimi i ligjit”, për goditjen e rasteve të armëmbajtjes pa leje, finalizohet operacioni policor i koduar “Klienti”.
Operacioni u zhvillua nga Komisariati i Policisë Nr. 6.
Sekuestrohet 1 armë zjarri pistoletë, me krehër e municion luftarak. Vihet në pranga poseduesi. Shërbimet e Komisariatit të Policisë Nr. 6, në vijim të punës për parandalimin dhe goditjen e veprimtarisë kriminale në fushën e armëmbajtjes pa leje, bazuar dhe në informacionet e siguruara në rrugë operative se në Kombinat, në një lokal, ndodhej një shtetas i armatosur, kanë organizuar punën dhe kanë finalizuar me sukses operacionin policor të koduar “Klienti”.
Materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme procedurale.
