Në kuadër të operacionit policor të koduar “Ndalesa” është vënë në pranga 34-vjeçari me iniciale M.K., për veprën penale “Mbajtja pa leje dhe prodhimi i armëve, armëve shpërthyese dhe i municionit”.
“Shërbimet e Komisariatit të Policisë Nr. 2, në vijim të punës për parandalimin dhe goditjen e veprimtarisë kriminale në fushën e armëmbajtjes pa leje, bazuar dhe në informacionet e marra në rrugë operative se në rrugën “Pjetër Bogdani”, një shtetas që lëvizte me automjet, ishte i armatosur me armë zjarri, kanë organizuar punën duke finalizuar me sukses operacionin policor të koduar Ndalesa“, njoftojnë blutë.
Gjatë kontrollit fizik i gjetën atij në brez një armë zjarri pistoletë me një krehër me municion luftarak, të cilat u sekuestruan në cilësinë e provës materiale, së bashku me automjetin. Materialet i kaluan Prokurorisë, për veprime të mëtejshme procedurale.
