Bota

Me peliçe dhe brirë në Kongres, arrestohet Jake Angeli


Bëhu pjesë e Grupit Zyrtar të Opinion.al
>> KËTU <<
               Publikuar në : 20:19 - 09/01/21 |
Opi Nion

I cilësuar si një nga njerëzit që drejtoi sulmin në Kongres, Jake Angeli është arrestuar nga policia amerikane.

I veshur vetëm me një peliçe dhe me dy brirë, ai u paraprinte dhjetëra mbështetësve pro Trump, që mësynë në godinën e Kongresit.

Jake Angeli, është një italo-amerikan 32-vjeçar që jeton në Phoenix. Prej muajsh ai është shndërruar në një pikë referimi për pjesën më radikale të mbështetësve të Trump, si ata që bëjnë pjesë në lëvizjen QAnon. Komplotistë, pjesë e organizatave të tjera të së djathtës ekstreme, këto janë karakteristikat e kësaj lëvizje që mendon se bota po drejtohet nga një sekt në nivel botëror, me prirje pedofile dhe që urrejnë mitin e tyre, presidentin Donald Trump.

Ndërkohë në qeli bashkë me të kanë përfunduar edhe Richard Barnett i cili u ul në zyrën e Nancy Pelosi dhe Adam Johnson i cili vodhi podiumin në ambjentet e brendshme të kongresit.

Të tre të arrestuarit akuzohen për krime federale dhe përfshirjen në protesta.

Richard Barnett, 60 vjeç, u fototgrafua ndërsa rrinte ulur në karrigen e Pelosit me këmbët në tavolinën e saj, duke shfletuar objektet e saj. Pas largimit nga Kongresi, Barnett i kishte thënë gjithashtu një reporteri për New York Times se ai kishte vjedhur disa dokumente nga zyra. Barnett u arrestua me akuzat e hyrjes në një strukturë me hyrje të kufizuar, hyrjes me forcë dhe vjedhjes së materialeve shtetërore.

 

Ndër arrestimet e para pas sulmit në Kapitol më 6 janar është dhe Adam Johnson, 36 vjeç nga Florida, i fotografuar duke mbajtur në krah podiumin e kryetares së Dhomës, Nancy Pelosi. Për momentin ende nuk është konstatuar se ku ka përfunduar podiumi./Opinion.al

 

Pas