Dy shtetas turq, kanë rënë në prangat e policisë kufitare pasi kanë tentuar të kalojnë në aeroportin e Rinasit me dokumenta të falsifikuara. Policia bën me dije se kanë kaluar për verifikim të pashaportave të shtetasve nga Turqia, O. C, dhe M. D, të cilët do të udhëtonin me itinerar Rinas-Genevë.
“Gjatë verifikimeve, të dyja pashaportat e shtetasve të lartpërmendura kanë rezultuar të falsifikuar. Në vijim të veprimeve, u arrestuan në flagrancë shtetasit O. C, 27 vjeç dhe M. D, 28 vjeç, për veprën penale “Falsifikimit të letërnjoftimeve, të pasaportave ose të vizave” dhe materialet i kaluan Prokurorisë së Rrethit Gjyqësor Tiranë, për veprime të mëtejshme”, thuhet në njoftim./Opinion.al
