Në Shqipëri po ndodhin më pak aksidente rrugore sesa vjet. 427 aksidente janë regjistruar në këtë fillimvit, një ulje kjo me 11.6% në krahasim me pesëmujorin e parë të vitit 2022.
Për pasojë dhe të lënduarit janë më të paktë në numër. Numri i të aksidentuarve është 590 persona nga 680 të aksidentuar vitin e shkuar.
Ndërkohë vetëmnë muajin Maj, sipas INSTAT janë numëruar 95 aksidente rrugore nga 106 të ndodhura vjet, një ulje kjo me 10,4 %.
Shumica kanë ndodhur si pasojë e sjelljes së shoferëve. Për muajin Maj, ngjarjet rrugore në 98% të rasteve u shkaktuan nga sjellja e gabuar e drejtuesve të mjetit. Më të ndërgjegjësuar mbeten këmbësorët.
Por ndryshe nga vjet, kur në Maj pjesa më e madhe e aksidenteve u krye nga të rinjtë deri në 24 vjeç, këtë vit numri më i lartë i aksidenteve në Maj është kryer nga grup-mosha 45-59 vjeç.
Nga 95 aksidente të ndodhura, 24 janë kryer prej tyre.Tirana, Durrësi dhe Lezha mbeten qarqet me ngjarjet më të shumta rrugore të ndodhura në vend./ Tv Klan
