Një ngjarje e rëndë është regjistruar në mbrëmje në fshatin Kishagji të Pukës.
Dy persona të maskuar kanë hyrë në shtëpinë e një 70-vjeçareje dhe e kanë grabitur.
Ata kanë shfrytëzuar faktin që Mrik Ndoja jeton e vetme. Orët e vona të mbrëmjes dy grabitësit kanë hyrë nga dera e pasme e shtëpisë. Ata e kanë lidhur dhe më pas e kanë rrahur të moshuarën.
”Më hodhën përtokë. Më thanë ku ke paratë. Po për zotin më rrahën. Në krah kam dëmtime. Më morën me shkelma. Nuk e di sa ishte ora. Zoti më ka zgjidhur. Nuk e di, me dhëmbë jam zgjidhur” tha Ndoja në një prononcim për New24.
Autorët i kanë grabitur të moshuarës pensionin dhe janë larguar më pas.
Mrik Ndoja jeton e vetme pasi burri i saj ka ndërruar jetë dhe nuk ka fëmijë.
Ajo thotë se ngjarje të tilla në fshat kanë ndodhur edhe herë të tjera. Asnjë nga rastet nuk është zbuluar nga policia./ Opinion.al
