Kryeministri, Edi Rama, i shoqëruar nga kryebashkiakia e Durrësit, Emiriana Sako ka inspektuar këtë të enjte punimet në Spitallë të Durrësit.
Gjatë fjalës së tij kreu i qeverisë u shpreh se për 5 vitet e ardhshme lagja ‘Rilindja’ do jetë një ndër më të bukurat pasi është ndërtuar nga hiçi.
Me batutë kryeministri Rama përmendi edhe investitorin Muhamed Alabbar, për të cilin tha që i kishte kërkuar që të shkonte të shihte punimet.
“Kjo për 5 vjet do tjetë një ndër lagjet më të bukura pa diskutim. Është e gjitha e ndërtuar nga hiçi, me hapësira dhe me të gjitha gjërat që do të vijojmë të ndërtojmë rreth e rrotull. Duhen bërë këto punimet e fundit se më mbyti Alabbari se edhe unë e mbyta. Më tha; brother shko shikoji… E bëri ai këtë, është investim i jashtëzakonshëm. Shihe sa bukur është.”- tha Rama.
Ky investim është bërë me financimin e Presidentit të Emirateve të Bashkuara, Sheikh Mohammed Bin Zayed nga sipërmarrja e ndërtuesit të Portit të Ri Turistik të Durrësit, Muhamed Alabbar.
