Personi në foto është autori i dyshuar i vrasjes me armë zjarri të Renato Hoxhajt, krim i ndodhur mëngjesin e 27 Prillit në Vlorë.
Foto është fiksuar nga kamerat e sigurisë në zonën e lagjes Hajro Çakërri ku u ekzekutua me tre plumba 58-vjeçari.
Siç shihet edhe nga pamjet, kamerat kanë fiksuar një person të maskuar me maskë dhe me kapele që mbulon pjesën me të madhe të fytyrës.
Kujtojmë se viktima është qëlluar me 2 plumba në kokë dhe dy në trup, ndërsa në vendngjarje u gjetën 4 gëzhoja pistolete 9 mm, ndërsa trupi i tij i pajetë u gjet rreth orës 06:00 në rrugë pranë objektin të ndërtimit në lagjen “Hajro Çakërri”.
Bashkëjetuesja e viktimës ka deklaruar para hetuesve se nuk ka dijeni që 58-vjeçari të ketë pasur konflikte, ndërsa ka pohuar se ka dëgjuar të shtënat me armë, por ka menduar se ishin fishekzjarrë.
