Policia e Tiranës ka arrestuar në flagrancë 29 vjeçarin, A. H. Përmes një njoftimi, uniformat blu bëjnë me dije se gjatë kontrollit të ushtruar në banesën e tij, iu gjetën një sasi lënde narkotike kokainë, si dhe shuma parash rreth 21.000 Euro dhe rreth 273.000 lekë të përfituar nga shitja e drogës.
“Në rrugën “Dritan Hoxha”, gjatë kontrollit të ushtruar në banesën e tij, iu gjetën dhe sekuestruan në cilësinë e provës materiale një sasi lënde e dyshuar narkotike e llojit kokainë, shuma parash rreth 21.000 Euro dhe rreth 273.000 lekë (të dyshuara të përfituara nga shitja e lëndës narkotike) dhe një peshore elektronike”, njofton policia.
Materialet procedurale i kaluan Prokurorisë pranë Gjykatës së Shkallës së Parë Tiranë, për veprime të mëtejshme./Opinion.al
