Thuhet se bukuria nuk është kriter për t’u punësuar, por megjithatë ndihmon. Edhe pse nuk është një element i rëndësishëm, ka disa profesione të cilat e kërkojnë medoemos. Vajzat e bukura kanë disa opsione karriere nga të cilat mund të përfitojnë dhe të bëjnë shumë para.
Pothuaj në të gjitha videoklipet muzikore ka vajza të bukura të cilat kërcejnë ose aktrojnë. Nuk është e lehtë të fitosh një punë të tillë, por nëse ja arrin me sukses, shpeshherë dalja në një videoklip ka shërbyer si një trampolinë për vajzat që dëshironin të bëheshin modele, këngëtare e aktore.
Vajzat e promocioneve dhe shoqërueset e eventeve gjithashtu kërkohen të jenë të paraqitshme e të sjellshme. Puna e tyre është të afrojnë klientët e të shesin produktin, ndaj bukuria është e domosdoshme për t’i tërhequr ata.
Pamja e jashtme ka shumë rëndësi për një trajner personal apo instruktor palestre. Klientët tërhiqen pikërisht nga pamja e tyre sepse muskujt e një trajneri përcaktojnë dhe aftësinë e tij.
Për të pasur një karrierë në televizion nuk është kriter bukuria, por shpesh i ka ndihmuar vajzat të avancojnë në karrierën e tyre. Kanë qenë velinat dhe prezantueset e motit ato që më pas kanë pushtuar ekranet e televizioneve, ndërsa në muzikë kanë rezistuar padyshim ato që kishin dhe asete të tjera përveç zërit.
E fundit, por jo më pak e rëndësishme, të jesh personalitet instagrami është një nga punët më fitimprurëse sot. Shumë biznese afrohen dhe kërkojnë që të reklamosh produktet e tyre, por kjo ndodh vetën nëse je e bukur dhe ke një numër të madh ndjekësish./ Opinion.al
