“Me këtë dhembshurinë e faljes së gjobave na këputët shpirtin”, Nallbati-socialistëve: 12 vite keni arrestuar hallexhinjtë

Pas propozimit për një një ligj të ri nga ana e mazhorancës, janë krijuar debate dhe tensione të shumta mes deputetësh.

Deputeti i PD-së Bledion Nallbati deklaroi se mazhoranca s’mund të tallet me opozitën duke miratuar “ligje që vijnë me SMS dhe pa u shqyrtuar”.

“Moj zonjë, tani u duk ashiqare se ato fletët e bardha paçavure ishin me firma dhe nuk kishte asnjë projekt-ligj dhe ju nuk mund të talleni. Tju sjellin ligje me SMS dhe ju të na i thoni në moment të fundit. I votojmë para e pastaj i shqyrtojmë!”, tha Nallbati.

Sipas Nallbatit, është hipokrizi që ky projekt-ligj të vijë 12 vite pasi janë masakruar qytetarët e thjeshtë me ndërtime të thjeshta në banesat e tyre.

“Me këtë dhembshurinë e faljes së gjobave na këputët shpirtin me thënë të drejtën, ju që keni 12 vjet që masakroni njerëzit dhe arrestoni hallexhinj që ndërrojnë çatinë e që ndërrojnë një dritare. Tani u kujtuat, vutë dorën në zemër e u bëtë të dhembshur. Ky është një turp i madh dhe nuk ka rob që e ha. Na jepni një mjekim se nuk na mban zemra me këto…Ne patjetër jemi kundër kësaj, kemi 12 vjet që ulërasim për këtë. Turp që i bëni se nuk i beson njeri këto!”, deklaroi Nallbati.