Kreu i Grupit Parlamentar të PS, Bledi Çuçi ka folur për gazetarët pas mbledhjes së Konferencës së Kryetarëve për zgjedhjen e Avokatit të Popullit.
Ai pohoi se zgjedhja e Avokatit të Popullit do bëhet nga propozime e opozitës dhe shtoi se kandidati duhet “të jetë me integritet të plotë”.
“Avokati i popullit padiskutim është një çështje që e kemi bërë të qartë qëndrimin që duhet të zgjedhur nga propozimet e opozitës dhe të përfaqësoj një frymë të opozitës. Të jetë me integritet të plotë. Personi që do propozoj opozita duhet të jetë më integritet të lartë profesional dhe njerëzor”, tha Çuçi.
Çuçi u pyet nga gazetarët nëse është ulur me Bashën apo me Bardhin për të diskutuar mbi zgjedhjen e avokatit, por ai tha kjo çështje “nuk i takon as Bardhit as Bashës”.
Pyetje: Me Bashën apo me Bardhin keni diskutuar?
Çuçi: Nuk i takon as Bardhit as Bashës.
Pyetje: Me kë opozitë keni folur?
Çuçi: Nuk është as i Bardhit as i Bashës opozita. Kjo është një çështje që të përfaqësoj opozitën./Opinion.al
