Gennaro Gattuso, trajneri i Milan, është nga ata që i bie shkurt. Mjafton të pyesësh Hachim Mastour, ish-talenti i Milan, që duket se ka humbur rrugën pas disa huazimeve të pakënaqshme.
Mastour konsiderohet një fenomen i mundshëm, por është zhdukur nga radarët në momentin e kthimit te kuqezinjtë. Marokeni është bërë i famshëm kryesisht për videot që publikonte në rrjetet sociale, në të cilat shfaqej duke dhuruar spektakël me topin.
Gattuso ka qenë i qartë në këtë aspekt: “Po bën më pak video, apo jo? Përgjigjun, keni parë më pak video të tijat? E kam kërcënuar se do t’i thyeja dhëmbët. Është bërë i famshëm për videot dhe jo prej futbollit”, ka thënë trajneri kuqezi.
“Është për të ardhur keq, kishim vendosur ta aktivizonim me ekipin dytë. Është një profesionit i madh, një djalë me të cilin mund të flitet. Është stërvitur mirë, duke dhënë gjithçka. Nëse e njeh, nuk është edhe aq keq”.
“Gjithsesi, nuk është 50 vjeç, ka cilësi. Duhet të mësojë nga gabimet e bëra, i mungon ritmi i ndeshjeve. Kam vënë re se ka bërë disa ndryshime dhe kjo është rruga që duhet të ndjekë”, ka përfunduar Gattuso.
