Luis Enrique është ndër ata pak trajnerë që ka pasur fatin të stërvit lojtarin më të mirë në botë, Lionel Messin.
Trajneri spanjoll para ndeshjes së fundit në krye të Barcelonës, e të fundit si trajner i Messit, ka thënë se ka qenë nder për atë, që të punojë me pesë herë fituesin e Topit të Artë.
Të shtunën mbrëma, ndeshja kundër Alaves do të jetë e fundit për trajnerin në stolin e Barcelonës.
“Ishte një kënaqësi të punoj me futbollistin më të mirë të botës. Messi është lider, një lojtar shembull për shokët dhe të gjithë. Ai është më i miri në të gjitha aspektet”, tha Enrique në konferencë për shtyp.
Ndeshja mes Barcelonës dhe Alaves luhet në ‘Vicente Calderon’ me fillim nga ora 21:30.
