Prindërit e këngëtares shqiptare me famë botërore, Rita Orës, Besnik dhe Vera Ora, janë duke shijuar disa ditë të mira pushimi në Mal të Zi.
Ata po kalojnë ditët e nxehta nën shoqëri të njëri-tjetrit në shtëpinë e tyre në Ulqin.
Duket se gjatë qëndrimit atje, ata kanë pasur rastin që të ushqehen dhe të praktikojnë më tepër të folurit dhe ushqyerit tradicionalisht.
Së fundmi, ka qenë nëna e këngëtares, Vera, ajo e cila në një fotografi të publikuar në InstaStory, ka treguar se gjatë pushimeve në Ulqin nuk ka hezituar të gatuajë ushqimin e njohur tradicional shqiptar – flinë.
Në mbishkrimin e fotografisë, ajo sqaron për të gjithë ndjekësit e saj të shumtë se çfarë është ky ushqim, dhe nga se përbëhet.
“Flia, e njohur si fli ose flija, është një pjatë në kuzhinën shqiptare dhe kosovare. Ajo përbëhet nga shtresa të shumëfishta si krep i mbushur me krem, dhe shërbehet me krem kosi”, ka shkruar Vera Ora në mbishkrimin e fotografisë.
