Presidenti i Republikës Ilir Meta ka dalë ditën e sotme në një konferencë për shtyp.
Gjatë fjalës së tij Presidenti është shprehur se e gjithë ngjarja në Fier është një provokim, teksa u ka bërë thirrje strukturave të LSI në Fier por edhe militantëve të jenë të qetë. Sipas Presidentit kjo është një ngjarje e nxitur nga Rilindja për të krijuar dhunë para zgjedhjeve.
Ndër të tjera, Meta i ka kërkuar Kejdi Mehmetit që t’i përciell Ruçit mesazhin se nëse dëshiron mund t’i heqin të gjitha posterat e LSI e të vendosen ato të Rilindjes deri në momentin që Rama të mbarojë mitingun.
“Ftoj kandidaten e LSI, Kejdi Mehmetaj, dhe të gjithë kandidatët e tjerë të mos bien e këtij provokimi të bandës Rilindje, të thellohen pak. Ky është një incident i turpshëm dhe banal, por edhe një provokim Kejdi, që ju gjoja të prishni mitingun që do bëjë Rilindja sot në Fier. Këtë duhet ta kuptosh qartë dhe nuk është kjo beteja juaj për të mbrojtur banderolat e LSI, se kryetari i Bashkisë Fieri do shkojë në burg për shkelje shumë të rënda që ka bërë, jo thjesht për këto shkelje të Kodit Zgjedhor. Komuniko me z.Ruci, meqë mbulon qarkun e Fierit, nëse vërtetë banderolat e tua shqetësojnë Rilindjen dhe kryerilindasin, hiqni banderolat tuaja derisa të mbarojë mitingu dhe pastaj vërini prapë, se nuk është ky problemi i madh që ka Fieri.
I di Fieri të gjitha historitë e kryebashkiakut dhe rilindasve të tjerë, e do t’i ndëshkojë me votë plebishitare. Meqë pas dy orësh do iki në Vlorë, Kejdi më bëj një nder, i thuaj z. Ruci, që jo vetëm i hoqën ato banderola, na ka thënë Presidenti që t’i japin edhe ca postera kryerilindasit, se do vij dhe vetë t’ia vë, që të kënaqet ai dhe të shtohet edhe më tej urrejtja për këtë provokator të ndyrë, që kërkon të prishë zgjedhjet ditën e diel. U bëni thirrje gjithë grave e burrave të Fierit e Mallakastrës t’i mprehin sfurqet, kosoret, sëpatat, t’i kenë gati ditën e diel e po u prek një votë e vetme, ashtu do bëjë gjithë Shqipëria, me në krye Presidentin.
Ata e bëjën këtë që të dalin militantët tuaj dhe të bëjnë një sherr aty, si ajo në Elbasan. Ne e dimë shumë mirë nga vijnë të gjitha këto probleme se e dimë kush e bëri Shijakun e Dibrën që mban peng gjithë Shqipërisë.
Kryerilindasi, bëri shumë mirë që i arrestojë rrugaçet e Kavajës. Ti më akuzonë mua që nxit dhunën ndërkohë që vetë i dërgove.”- tha Meta./Opinion.al
