Një çifti shqiptar është kapur në Greqi me armë dhe tritol.
Burri është Armiol Rrasa nga fshati Gradishtë i Divjakës, ndërsa shqiptarja që ishte me të në makinë quhet Daniela Luari, 33 vjeç.
Në automjetin me të cilin udhëtonin u gjet një armë zjarri pistolete TT dhe një sasi lënde eksplozive tritol me dy ndezës.
Armiol Rrasa është person me precedentë penale në Shqipëri dhe në Greqi. Në Greqi është dënuar me burg për trafik droge në vitin 2008 dhe është liruar në vitin 2015.
Bashkë me të sot është arrestuar edhe partnerja e tij shqiptare, 33-vjeçare Daniela Luari. Policia greke po vijon hetimet për veprimtarinë kriminale të çiftit shqiptar.
