Tirana pritet të rikthehet në një kantier ndërtimi. Vetëm në tremujorin e fundit të 2016-ës janë dhënë 41 leje ndërtimi ndërtimi në Tiranë, sipas INSTAT. Ndërsa krahasuar me një vit më parë, në të njëjtën periudhë, ishin dhënë vetëm 11 leje ndërtimi.
Në total gjatë vitit 2016, Bashkia e Tiranës e drejtuar nga Erion Veliaj ka dhënë 106 leje ndërtimi ose 20 % më shumë se në 2015-ën.
Pas Tiranës, në vend të dytë është Elbasani, me 34 leje, ndjekur nga Shkodra me 23 dhe Durrësi me 16.
Sipas INSTAT, numri i lejeve të ndërtimit për ndërtesa rezidente (pallate) zë 66,7% të numrit total të lejeve, ndërkaq numri i lejeve për ndërtesa jo rezidente (hotele, zyra, qendara tregtare, industriale dhe të tjera) zë 33,3%.
Për gjithë vitin 2016, në Shqipëri u dhanë 455 leje. Nga të dhënat e INSTAT rezulton se pothuajse të gjitha bashkitë e kanë lëshuar dorën me lejet e ndërtimit. Krahashuar me 2015-ës, rritja është 172%. /Opinion.al
