Vizita e kryeministrit Rama dje në Kosovë u shoqërua edhe me aludime se ai mund të kishte të veshur një jelek antiplumb gjatë takimeve me liderët politikë.
Në konferencën e sotme për media para udhëtimit për në Tiranë, kryeministri Rama u pyet nga gazetrët nëse ai vërtetë kishte veshur një jelek antiplumb dhe nëse po nga kush ruhej.
Rama e mohoi një gjë të tillë dhe tha se do të ishte i gatshëm edhe t’ja provonte gazetarëve një gjë të tillë.
Edi Rama: Kur dje apo sot?
Gazetarja: Dje…
Edi Rama: Dje s’ua provoj dot, sot ua provoj me qejf. Ju e dini që s’e kam problem trupin tim. E kam provuar në kohë të padyshimta.
Aman me leni kur të shkoj në Tiranë që të dëgjoj këto. Mos më sillni këtu lajme nga puseta e Saliut. Me anti-plumb, futja kot! /Opinion.al
