Kuvendi i Shqipërisë ka sqaruar për emisionin “Opinion” se kërkesa e SPAK për arrestimin e ish-zëvendëskryeministrit Arben Ahmetaj është dorëzuar ditën e sotme, 10 korrik, pavarësisht se shkresa mban datën 7 korrik.
Reagimi i Kuvendit erdhi pas deklaratës së bërë nga gazetarja Klodiana Lala se kërkesa është dorëzuar që më 7 korrik.
Blendi Fevziu: Kam një informacion që më vjen zyrtarisht nga Kuvendi: Kërkesa e SPAK ka ardhur në Kuvend sot, në datën 10 Korrik, edhe pse shkresa mban datën 7 Korrik. Pra, sot është dorëzuar në Parlament.
Klodiana Lala: Kërkesa mban datën 7 Korrik 2023. Po, ta shikosh shkresa mban datën 7 Korrik. Pastaj nëse është vonuar posta, është histori tjetër.
Blendi Fevziu: Mund të jetë vonuar posta, mund të jetë nisur sot se sot ka filluar puna.
Klodiana Lala: Niset në datën që mban shkresa, kështu përcakton procedura.
