Komisioni i Ankimeve dhe Sanksioneve ka marrë vendimin që të hapet një prej kutive të votimit të qarkut Vlorë, me kërkesë të koalicionit “Nisma Shqipëria Bëhet”.
Gazetarja Klesiana Omeri bën me dije se kjo kuti do të hapet ditën e hënë, me datë 2 qershor.
Ky vendim i KAS vjen pas pretendimit të koalicionit se kutia ka fletët e votimit të pa vulosura.
Në rast se provohet që kutia nuk ka fletët e votimit të vulosura, atëherë do i nënshtrohet procesit të rinumërimit.
“Ka pasur një vendimmarje tjetër të rëndëishme nga ana e KAS, që lidhet me një prej kutive të votimit për qarkun e Vlorës, e cila do të hapet ditën e hënë.
Vjen si rezultat i një ankimimi që ka bërë “Nisma Shqipëria Bëhet”, që pretendojnë se në një prej qendrave të votimit e qarkut të Vlorës, fletët e votimit kanë qenë të pavulosura. Nuk është se do të ketë një process rinumërimi.
Do të hapet fillimisht kutia për të parë nëse ka apo jo, nëse janë ose jo të vulosura fletët e votimit. Në rast se do të evidentohet, do të provohet pretendimi i koalicionit që ka bërë ankimimin, atëherë me gjasa kjo qendër do t’i nënshtrohet procesit të rinumërimit”, raporton gazetarja Klesiana Omeri.
Kujtojmë se Partia Demokratike nuk i njeh zgjedhjet e 11 majit dhe kërkon qeveri teknike.
Kjo forcë politike ka pretenduar se janë zhvilluar shumë manipulime elektorale, sidomos tek votat e emigrantëve, në veçanti ato të ardhura nga Greqia.
