Një 32-vjeçar rumun është ndaluar në Rinas pasi nuk ka deklaruar një shumë prej 18 500 paundësh.
Oficerët e Policisë Kufitare, në vijim të kontrolleve të shtuara, të bazuara në analizën e riskut, në hyrje të RSh-së, kanë kaluar në vijën e dytë, për kontroll të detajuar, shtetasin rumun A. C.
Gjatë kontrollit fizik, këtij shtetasi iu gjetën 18 500 paund të cilat ai nuk i kishte deklaruar në kufi, siç e përcakton ligji. Shuma e parave u sekuestrua në cilësinë e provës materiale.
Shtetasi rumun A. C., 32 vjeç, banues në Angli akuzohet për veprën penale “Mosdeklarimi në kufi i të hollave dhe i sendeve me vlerë”.
