Më 14 Prill në Luksemburg do të mbahet raundi tjetër i bisedimeve BE-Shqipëri.
Lajmi është publikuar në faqen zyrtare të Këshillit Evropian, ku mësohet se në këtë konferencë do të hapen negociatat për grup kapitullin 2 që kanë të bëjnë me tregun e brendshëm.
Kujtojmë se më 15 Tetor, me Shqipërinë u hap grup-kapitulli i parë ai për çështjet themelore që përfshin reformat në drejtësi, sundimin e ligjit, të drejtat themelore si dhe funksionimin e institucioneve demokratike.
Ndërsa më 17 Dhjetor janë hapur diskutimet për grup-kapitullin e 6-të, atë për marrëdhëniet e jashtme, politikën e sigurisë dhe atë të mbrojtjes.
