Kryetari i Komisionit të Jashtëm në Parlamentin Europian, David Mcallister, ka reaguar për vendimin e mazhorancës, për të votuar ditën e nesërme në Kuvend ndryshimet në Kodin Zgjedhor.
Mcallister, përmes një postimi në Twitter, shkruan se është shumë i shqetësuar që nuk po dëgjohen thirrjet kombëtare dhe ndërkombëtare dhe nesër votohen në Parlament ndryshimet në Kodin Zgjedhor pa pritur opinionin e Komisionit të Venecias.
Sipas tij ndryshimet e njëanshme të marrëveshjes mund të thellojnë më tej klimën e mosbesimit përpara zgjedhjeve të 25 prillit.
Postimi i plotë:
Shumë i shqetësuar se, pavarësisht thirrjeve kombëtare dhe ndërkombëtare, duke kërkuar që të presin një mendim të Komisionit të Venecias, votimi për ndryshimet në Kodin Zgjedhor të #Shqipërisë është caktuar për nesër.
Ndryshimet e njëanshme të marrëveshjes mund të thellojnë më tej klimën e mosbesimit dhe polarizimit përpara zgjedhjeve të përgjithshme të 25 prillit 2021. Ato do të jenë joproduktive ndaj përpjekjeve për hapjen e konferencës së parë ndërqeveritare deri në fund të vitit./ Opinion.al
