Pas ngjarjes së rëndë, të ndodhur në Korçë ku një foshnjë u gjet e pajetë në valixhe, në dollapin e shtëpisë kanë dalë edhe rezultatet e ekspertizës.
Sipas Klan News, Instituti i Mjekësisë Ligjore bëjnë me dije se foshnja e gjetur në valixhe i pajetë, ka lindur i gjallë.
Mësohet se fëmija ka qenë me shenja jete kur është futur në valixhe nga nëna 40-vjeçare Valmira Hasimllari, e cila vuan nga sëmundje e rëndë e shëndetit mendor.
Mostrat e foshnjës së gjinisë mashkullore u dërguan menjëherë pas zbulimit të ngjarjes drejt Tiranës, ku konfirmohet se foshnja ka lindur i gjallë.
Pritet që akti i ekspertimit të mbërrijë në prokurorinë e Korçës për të vijuar më tej hetimet për 40-vjeçaren.
