Rethanat e mbytjes së 17-vjeçares në Velipojë dy ditë më parë vijojne të mbeten mister.
“News24” raporton se në dëshminë e pronarit të mjetit lundrues, thuhet se 25-vjeçari Indrit Bajraktari dhe e mitura e kanë marrë atë me qera për 30 minuta.
Sipas tij ka qenë një pushues që i ka thënë më vonë se njëri prej tyre po mbytej në det.
Pronari i mjetit të ujit ka deklaruar se menjëherë ka hyrë në det, ku ka parë 25-vjeçarin Bajraktari të kthehej me not. Pronari e ka pyetur të riun se ku ndodhej 17-vjeçarja dhe ai ja ka kthyer se “vajza takoi në breg xhaxhanë”.
Pronari ka dyshuar mbi ngjarjen duke njoftuar policinë. Ai nuk e ka lënë Bajraktarin të largohet megjithëse ka tentuar të ikë./ Opinion.al
