Policia e Shtetit ka dhënë njoftim zyrtar lidhur me krimin e rëndë të ndodhur këtë të mërkurë në një familje në Remas, Divjakë, ku djali ka mbytur babain e tij.
Uniformat blu bëjnë me dije se viktima, Mitër Stasa, 85 vjeç u gjet pa jetë dhe me shenja dhune në banesën e tij në fshatin Remas.
Nga hetimet rezulton se krimi është kryer për miotive të dobta, ndërsa autori, Andrea Stasa, 58 vjeç, është shoqëruar në Komisariatin e Policisë Divjakë, Policia po punon për zbardhjen e rrethanave të ngjarjes.
“Sot më datë 06.07.2022, është gjetur në banesë pa shenja jete dhe me shenja dhune, shtetasi M. S., 85 vjeç, banues në Remas, Divjakë.
Nga hetimet paraprake autor i dyshuar i vrasjes së 85-vjeçarit dyshohet se është djali i tij, shtetasi A. S., 58 vjeç, i cili dyshohet se për motive të dobëta e ka mbytur.
Eshtë shoqëruar në Komisariatin e Policisë Divjakë shtetasi A. S., dhe po punohet për zbardhjen e rrethanave të ngjarjes”-njofton policia.
