Dy persona kanë humbu jetën ditën e sotme në rrethin e Pogradecit. Sipas informacioneve paraprake ata janë mbytur në rezervuarin e Bradomirës, në rrethana ende të paqarta. Mësohet se viktimat A.P. 50 vjeç nga Bletasi dhe R.K. nga Bradomira 56-vjeç kishin dalë për të peshkuar. Trupi i A.P. u gjet nga banorët në rezervuar, ndërsa polumbaret pritet te nisin kerkimet per trupin e Z.K.
Njoftimi i policise
“Më datë 30.12.2018, jemi njoftuar se në rezervuarin e fshatit Bradomirë, duke peshkuar, dyshohet të jetë mbytur dhe për pasojë ka gjetur vdekjen shtetasi A.P, 50 vjeç, banues ne fshatin Bletas.
Trupi i tij, është gjetur dhe është nxjerrë nga uji prej banorëve të fshatit dhe shërbimeve të Policisë në vendngjarje.
Dyshohet se viktima, ka dalë për të peshkuar së bashku me shtetasin Z.K, 56 vjeç, banues në fshatin Bradomirë, për të cilin po vijojnë kërkimet si dhe pritet ardhja e polumbarëve, për të bërë të mundur gjetjen e tij.
Grupi hetimor po punon për sqarimin e plotë të rrethanave të ngjarjes”, thuhet në njoftimin paraprak të policisë.
