41 emigrantë janë mbytur në ishullin italian të Lampedusa, thanë të mbijetuarit për mediat lokale.
Një grup prej katër personash që i mbijetuan katastrofës u thanë shpëtimtarëve se ishin në një varkë që ishte nisur nga Sfax në Tunizi dhe ishte fundosur rrugës për në Itali.
Katër të mbijetuarit, me origjinë nga Bregu i Fildishtë dhe Guinea, arritën në Lampedusa të mërkurën.
Më shumë se 1800 njerëz kanë humbur jetën deri më tani këtë vit në kalimin nga Afrika e Veriut në Evropë.
Prokurori publik vendas Salvatore Vella tha se kishte hapur një hetim për tragjedinë.
Të mbijetuarit – një djalë 13-vjeçar, dy burra dhe një grua – u thanë shpëtimtarëve se ishin në një varkë që mbante 45 persona, përfshirë tre fëmijë.
Ata thanë se varka, e cila ishte rreth 7 metra e gjatë, u largua nga Sfax të enjten javën e kaluar, por u mbyt brenda disa orësh pasi u godit nga një valë e madhe. Vetëm 15 persona mësohet se kishin veshur jelek shpëtimi, por kjo me sa duket nuk u shpëtoi jetën.
Kryqi i Kuq Italian dhe shoqata bamirëse gjermane Sea-Ëatch thanë se të katër ia dolën t’i mbijetonin mbytjes së anijes duke notuar në tuba të brendshëm dhe xhaketa shpëtimi derisa gjetën një varkë tjetër bosh në det, në të cilën kaluan disa ditë duke lëvizur përpara se të shpëtoheshin.
Katër të mbijetuarit mbërritën në Lampedusa duke vuajtur nga lodhja dhe tronditja, por mjeku që i trajtoi, Adrian Chiaramonte, tha se ata kishin vetëm lëndime të lehta./Opinion.al
