“ Duhet të rrisim shkallën e vaksinimit. Është e ulët në mënyrë të turpshme”. Kështu tha kancelari austriak Alexander Schallenberg, duke bërë të ditur gjatë një konference për shtyp, hyrjen në fuqi nga nesër mbylljen për të pavaksinuarit. “Situata është serioze – shtoi ai – ne nuk po e bëjmë këtë hap lehtësisht, por fatkeqësisht është i nevojshëm”.
Rreth 65% e popullsisë është plotësisht e vaksinuar kundër Covid-it, raporton Guardian, sipas të cilit është një nga normat më të ulëta në Evropën Perëndimore./Opinion.al
